സ്വര്‍ണ്ണ പാത്രത്തില്‍ മാത്രം ഉണ്ണുന്നവരെ
നിങ്ങള്‍ക്ക് അറിയുമോ ആവോ
ഇവിടെ വേറെയും ചിലരുണ്ടെന്ന്
ടാര്‍ പാത്രത്തില്‍ തിന്നുന്നവര്‍
കൊണ്ക്രീറ്റ്‌ പാത്രത്തില്‍ ഉണ്ണുന്നവര്‍
മണ്ണ് പാത്രത്തില്‍ കഴിക്കുന്നവര്‍
അവര്‍ക്ക് വിശപ്പ്‌ അടുക്കുക എന്നത്
മാത്രമാണ് ഓരോ ദിവസത്തെയും ലക്‌ഷ്യം
നാളെ എന്നൊന്നില്ല
ഇന്നും ഇന്നിന്റെ വിശപ്പും മാത്രം
ഇവര്‍ക്ക് ലോകമേ തറവാട്
കൂടെ കിടക്കുന്ന പട്ടിയുടെ വിശപ്പും അറിയുന്നവര്‍
അവരെ ഊട്ടി സ്വന്തം വിശപ്പ്‌ മറക്കുന്നവര്‍
തനിക്കും തന്റെ കൂടെ കിടക്കുന്നവനും
കുപ്പ കൂനയില്‍ ഭക്ഷണം തേടുന്നവര്‍
ഇവരും മനുഷ്യജന്മം
നല്ല പച്ച മനുഷ്യര്‍
No comments:
Post a Comment